वडापुरी, ता. ८ : ‘‘ग्रामीण भागातील शेतकऱ्यांनी बँकेकडून घेतलेल्या पीक कर्जाची परतफेड वेळेत करावी,’’ असे आवाहन इंदापूर येथील बँक ऑफ महाराष्ट्राचे शाखा अधिकारी अमित नागरदेव यांनी केले.
अवसरी (ता. इंदापूर) येथे शेतकऱ्यांना नागरदेव यांनी बँकेमार्फत दिल्या जाणाऱ्या पीककर्जासंदर्भात मार्गदर्शन केले.
शेतकऱ्यांच्या अडीअडचणी समजावून घेतल्या. याप्रसंगी अवसरी सहकारी पाणीपुरवठा संस्थेचे सचिव राजेप्रताप शिंदे, कर्मयोगी शंकरराव पाटील सहकारी साखर कारखान्याचे संचालक शांतिलाल शिंदे, रवींद्र काटे, अशोक मोरे, संभाजी पवार, शांतिलाल सावंत, नवनाथ जाधव, हरिदास कवितके, तात्याराम कवितके, हनुमंत जाधव, दादासाहेब शिंदे, बाबूराव कांबळे, ज्ञानदेव मगर, कृष्णा गार्डे आदी उपस्थित होते.