वडापुरी, ता. १६ : वडापुरी (ता. इंदापूर) येथे ‘एक पेड मॉं के नाम’ उपक्रमात जिल्हा परिषद प्राथमिक शाळेच्या विद्यार्थ्यांनी उत्स्फूर्तपणे सहभाग घेतला. भारत सरकारचा शालेय शिक्षण आणि साक्षरता विभागातर्फे राबविण्यात येत असलेल्या या उपक्रमास विद्यार्थ्यांनी भरभरून प्रतिसाद दिला. शाळेतील जवळपास ५० विद्यार्थ्यांनी आपल्या आईसोबत मिळून एका वृक्षाची लागवड करून पृथ्वी मातेच्या संरक्षणाचे कर्तव्य पार पाडले.