वडापुरी, ता. ३१ : वडापुरी (ता. इंदापूर) येथे नागपंचमी सणाचे औचित्य साधून श्रीयाळषष्ठी सकरोबाची लेझीम, ढोल ताशाच्या गजरात मिरवणूक काढण्यात आली.
दरवर्षी नागपंचमी सणाच्या दुसऱ्या दिवशी गावातील सकरोबाचा मान असलेल्या पाटील वाड्यातून या मिरवणुकीची सुरुवात झाली. त्यामध्ये महिलांचा सहभाग लक्षणीय होता. त्यांनी नागोबाची गाणी म्हटली, यावेळी सकरोबाचे दर्शन घेण्यासाठी अवसरी, रामवाडी, पिंगळेवस्ती, पंधारवाडी, राऊतवस्ती, विठ्ठलवाडी या परिसरातील भाविक आले होते.
सकरोबाची मिरवणूक संपल्यानंतर वडापुरी येथील राजेंद्र पाटील, हरिदास पाटील, नंदकुमार पाटील, यशराज पाटील यांच्यावतीने भाविकांना महाप्रसादाचे वाटप करण्यात आले.