वडापुरी, ता. २० : इंदापूर तालुक्यातील द्राक्ष बागायतदार यंदाचा हंगाम यशस्वी करण्यासाठी अहोरात्र मेहनत करताना दिसत आहेत. पावसाच्या आसमानी संकटाला न जुमानता द्राक्ष उत्पादकांनी पूर्व हंगामी किंवा लवकरच्या फळ छाटण्या घेऊन द्राक्ष बागांची आंतर मशागत तसेच वेल विस्तार व्यवस्थापनाची कामे योग्य आणि वेळेवर कशी होतील, याकडे बागायतदार कटाक्षाने लक्ष देत आहेत.
सध्या दिवाळीचा सण सुरू असला तरी वडापुरी (ता. इंदापूर) परिसरातील बागायतदार द्राक्ष बाग कामांमध्ये व्यग्र आहेत. हंगामात १५ मे २५ पासून पडत असलेल्या पावसामुळे अनेकांचे नुकसान झाले आहे, अशा परिस्थितीत ऐन दिवाळीतही द्राक्ष उत्पादकांसह कामगार बागांची निगा राखण्यात व्यग्र आहेत. महाराष्ट्रामध्ये इंदापूर तालुका हा पूर्व हंगामी रंगीत द्राक्षवाण उत्पादनासाठी अग्रेसर आहे.
या वेळी महात्मा फुले कृषी विज्ञान केंद्राचे श्री राजेंद्र वाघमोडे यांनी सांगितले की, इंदापूर तालुक्यामध्ये १५ ऑगस्टपासून फळछाटणी हंगामाला सुरुवात झाली आहे. या भागातील ७० टक्के छाटण्या संपल्या असून उर्वरित छाटण्या येत्या पंधरा दिवसात संपतील. छाटणी, पेस्ट, वांझ काढणे, मणी आकार वाढीच्या फवारण्या, मणी विरळणी,घड बांधणी, कीडरोग व्यवस्थापनासाठीच्या फवारण्या इत्यादी कामे वेळेवर करून उत्कृष्ट प्रतीचा निर्यातक्षम माल बनविण्याच्या तयारीला द्राक्ष बागायतदार लागल्याचे दिसत आहे.
02808
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.