वेल्हे, ता. ४ : ‘‘राज्यामध्ये लोकहितासाठी महायुती सरकारकडून अनेक महत्त्वाचे निर्णय घेतले जात असून, आगामी विधानसभा निवडणुकीनंतर राज्यात महायुतीची सत्ता येणार आहे. सुनेत्रा पवार यांना खासदारकी मिळाल्याने पक्षाची ताकद वाढली असून, आगामी कालावधीमध्ये तालुक्याच्या विकासासंदर्भात मोठी निर्णय घेतले जाणार आहेत,’’ असे प्रतिपादन राष्ट्रवादी कॉंग्रेसचे जिल्हाध्यक्ष प्रदीप गारटकर यांनी केले.
राजगड तालुका राष्ट्रवादी काँग्रेसची आढावा बैठक वेल्हे येथील पक्ष कार्यालयात नुकतीच झाली. त्यावेळी गारटकर बोलत होते. यावेळी जिल्हा परिषदेचे माजी उपाध्यक्ष रणजित शिवतरे, जिल्हा बॅंकेचे उपाध्यक्ष सुनील चांदेरे, जिल्हा बॅंकेचे संचालक रेवणनाथ दारवटकर, जिल्हा दूध संघाचे अध्यक्ष भगवान पासलकर, पक्षाचे तालुकाध्यक्ष किरण राऊत, जिल्हा बॅंकेच्या संचालिका निर्मला जागडे, राजगड कारखान्याचे संचालक प्रतापराव शिळीमकर, महिला तालुकाध्यक्षा कीर्ती देशमुख, जिल्हा प्रतिनिधी अर्जुन भिलारे, प्रकाश जेधे, दत्ता भडाळे, गोपाळ इंगुळकर, अंकुश पासलकर, अशोक मोरे आदी उपस्थित होते.