वालचंदनगर : गोतोंडी (ता.इंदापूर) जवळील ५४ फाटा येथे चारचाकी व दुचाकी यांच्यामध्ये झालेल्या अपघातामध्ये ज्येष्ठ नागरिकाचा मृत्यू झाला असून एक महिला जखमी झाली आहे.
तानाजी पांडुरंग माळी (वय ६५, रा.घोरपडवाडी) असे मृत्यू झालेल्या ज्येष्ठ नागरिकाचे नाव आहे. तर त्यांच्या पत्नी कमल तानाजी माळी या जखमी झाल्या आहेत. त्यांच्यावर बारामतीमधील खासगी रुग्णालयामध्ये उपचार सुरू आहेत. रविवारी (ता.१२) दुपारी दोनच्या सुमारास बारामतीहून भरधाव वेगाने इंदापूरकडे निघालेल्या मोटारीने माळी यांच्या दुचाकीला जोराची धडक दिल्यामुळे अपघात झाला. यामध्ये माळी जखमी झाले इंदापूरमध्ये उपचार सुरू असताना त्यांचा मृत्यू झाला. रात्री उशिरापर्यंत वालचंदनगर पोलिस ठाण्यात गुन्हा दाखल करण्याचे काम सुरू होते.