वालचंदनगर, ता. २१ : भरणेवाडी (ता. इंदापूर) येथे मुख्यमंत्री समृद्ध पंचायत राज अभियानांतर्गत कृषीमंत्री दत्तात्रेय भरणे यांच्या हस्ते वृक्षारोपण करण्यात आले. इंदापूर तालुक्यामध्ये जास्तीतजास्त वृक्ष लागवड करण्यासाठी कृषीमंत्री दत्तात्रेय भरणे यांचा नेहमीच पुढाकार असतो. शनिवारी (ता. २१) भरणेवाडीमध्ये कृषीमंत्री दत्तात्रेय भरणे यांनी वृक्षारोपण करून वृक्षलागवडीचा संदेश दिला. यावेळी भरणे यांनी सांगितले की, पर्यावरणाचे समतोल राखण्यासाठी वृक्षलागवड गरजेची आहे. शेतकऱ्यांनी जास्तजास्त वृक्षलागवड करण्यासाठी प्रयत्न करण्याचे आवाहन केले. यावेळी इंदापूरचे गटविकासाधिकारी सचिन खुडे, माजी जिल्हा परिषद सदस्य प्रतापराव पाटील, दीपक भरणे, शेखर काटे, ग्रामविकास अधिकारी अमोल मिसाळ उपस्थित होते.