वाल्हे, ता. ७ : तरुण पिढीला आरोग्याच्या सुदृढतेचे आणि पर्यावरण संवर्धनाचे महत्त्व पटवून देण्यासाठी धायरी (पुणे) येथील सिंहगड वॉरिअर्स ग्रुपच्या वतीने शनिवारी (ता. ६) पुणे ते पंढरपूर सायकल वारीसाठी प्रस्थान केले.
सदृढतेचे आणि पर्यावरण संवर्धनाचे महत्त्व पटवून सिंहगड वॉरिअर्स ग्रुपच्या वतीने दरवर्षी विविध ठिकाणी सायकल वारीचे आयोजन केले जात आहे. यंदा चौथ्या वर्षी आषाढी वारीनिमित्त पुणे-पंढरपूर सायकल वारीमध्ये जेष्ठांसह तीस सायकलपटू सुमारे दोनशे वीस किलोमीटरचा प्रवास
एक दिवसात पार करणार आहेत.
या सायकल वारीचे पुरंदर तालुक्यातील वाल्हे येथे शनिवारी (ता. ६) रात्री सात वाजता आगमन होताच त्यांचा सरपंच अतुल गायकवाड यांच्या हस्ते सन्मान करून त्यांना पुढील प्रवासासाठी शुभेच्छा दिल्या. याप्रसंगी वाल्हे जिल्हा बँकेचे शाखाप्रमुख संतोष दुर्गाडे, दादासाहेब भुजबळ, रामदास सपकाळ, परेश खोचे, नीलेश दुर्गाडे, प्रकाश चव्हाण, प्रवीण भुजबळ, विनय दुर्गाडे, भूषण भुजबळ, क्षितीज भुजबळ, राजेंद्र रोकडे, संभाजी मोरे आदि उपस्थित होते. यावेळी सायकलपटूंना राहुल भुजबळ, मनोज भुजबळ यांच्या वतीने भोजनाची व्यवस्था केली आली होती. याउपक्रमाबद्दल जिल्हा बँकेचे अध्यक्ष प्रा. दिगंबर दुर्गाडे, रायगडचे उपजिल्हाधिकारी संदेश शिर्के यांनी सायकलपटूंशी फोनवर बोलून अभिनंदन केले. राहुल भुजबळ यांनी प्रास्ताविक केले. दीपक कुमठेकर यांनी सूत्रसंचालन केले.

विविध ठिकाणी सायकल वारीचे आयोजन केले जात आहे. त्यामाध्यमातून तरुणांचा सहभाग वाढत आहे. सायकलवारीमधून पर्यावरण संतुलनाबाबत तसेच शारीरिक समृद्धीचा प्रचार, प्रसार करीत आहे. मंगेश भुजबळ