वाल्हे, ता. ८ : वाल्हे (ता.पुरंदर) येथील महर्षी वाल्मिकी विद्यालयात जागतिक महिला दिनानिमित्त विविध कार्यक्रमांनी साजरा करण्यात आला. विद्यालयाच्या वतीने ‘सन्मान स्त्रीशक्तीचा’ कार्यक्रमाचे आयोजन केले होते. विद्यालयाच्या वतीने माजी विद्यार्थिनींचा सन्मान करण्यात आला. यावेळी उपसरपंच सम्राज्ञी लंबाते यांच्या हस्ते प्रतिमा पूजन करून कार्यक्रमाचे उद्‍घाटन करण्यात आले. याप्रसंगी प्राचार्य सतीश निगडे, संगीता भुजबळ, पूर्वा राऊत, शीतल मदने, प्रमिला पवार, कविता पवार, दादासाहेब मदने, राजेशकुमार सोनवणे आदी उपस्थित होते. माजी विद्यार्थिनींनी दौंडज प्राथमिक शाळेच्या मुख्याध्यापिका मनिषा म्हेत्रे, माळवाडी शाळेच्या मुख्याध्यापिका मनिषा चव्हाण, अंगणवाडी सेविका सोनाली चव्हाण, कोमल पवार, मालती गायकवाड, सरोजिनी कारंडे, हेमलता जाधव, आरोग्य सेविका स्वाती भुजबळ आदी महिलांचा सन्मान केला. यावेळी विनोद शिंदे यांनी सूत्रसंचालक केले. विद्यालयातील सहशिक्षिका शैला गवारी, प्रियांका कणेरे, अर्चना सासवडे, उज्वला करे, नीता कांबळे, मयूरी पवार, अनुराधा पालखे, राणी फडतरे आदींचा सन्मान करण्यात आला. विद्यालयातील विद्यार्थ्यांनी ‘मी सावित्री बोलतेय’ एकपात्री नाटिकेसह डॉ. आनंदीबाई जोशी यांचा जीवनपरिचय नाटिका सादर केली. विद्यालयाचे प्राचार्य सतीश निगडे यांनी प्रास्ताविक केले. गीतांजली मोरे, राजेंद्र डोंगरे यांनी सूत्रसंचालन तर बाळासाहेब घोडके यांनी आभार मानले.