वाल्हे, ता. १० : पहलगाम येथे झालेल्या दहशतवादी हल्ल्याचे ‘सिंदूर’ मिशनअंतर्गत भारतीय सैन्यदलाने प्रत्युत्तर देऊन पाकिस्तानमधील अनेक दहशतवादी अड्डे उद्‍ध्वस्त केले. भारतीय लष्करातील जवानांच्या शौर्याचा गौरव करत त्यांच्या या कामगिरीबाबत वाल्हे (ता. पुरंदर) येथे तिरंगा फडकावत पेढे वाटून भारत माता की जय, वंदे मातरम आदी घोषणा देत आनंदोत्सव साजरा केला.
यावेळी मुख्य बाजारपेठमधील छत्रपती शिवाजी महाराजांच्या पुतळ्याला पुष्पहार अर्पण करून तिरंगा फडकावत पेढे वाटण्यात आले. यावेळी भारत माता की जय, वंदे मातरम, छत्रपती शिवाजी महाराज की जय, भारतीय सैन्य दलाचा विजय असो, अशा घोषणा देत फटाके फोडून आनंद व्यक्त केला.
यावेळी प्रशांत दोशी, दीपक कुमठेकर, द्रोपदा राऊत, त्रिंबक भुजबळ, दादासाहेब मदने, जगदीश पवार, उमेश पवार, दत्तात्रेय वाघमारे, प्रशांत
पवार, देविदास पांडकर, कालिदास पवार, पराग शहा, राजेंद्र ढवळे, शिरीष नवले, राजन पांडे, मयूर उदावंत, जितेंद्र शहा, संतोष शहा, कुंडलिक पवार, विनय शहा आदींसह ग्रामस्थ उपस्थित होते.
दरम्यान यावेळी पाकिस्तानच्या झेंड्याला लाथा मारून त्याचे दहन करीत पाकिस्तान मुर्दाबादच्या घोषणा देत पाकिस्तानचा तीव्र शब्दात निषेध
व्यक्त करण्यात आला. दीपक कुमठेकर यांनी प्रास्ताविक, तर प्रशांत दोशी यांनी आभार मानले.