वाल्हे, ता. १८ : महाराष्ट्र आणि गोवा नोटरी असोसिएशनच्या पुरंदर तालुका अध्यक्षपदी जेजुरी येथील अॅड. धनंजय ज्ञानेश्वर भोईटे व उपाध्यक्षपदी नीरा येथील अॅड. आदेश हणमंतराव
गिरमे यांची नुकतीच नियुक्ती करण्यात आली आहे.
पुणे येथे असोसिएशनचे अध्यक्ष अॅड. सय्यद सिकंदर अली यांच्या अध्यक्षतेखाली गुरुवारी (दि.१७) बैठक झाली. यावेळी असोसिएशनचे अध्यक्ष अॅड.सय्यद सिकंदर अली यांच्या हस्ते नियुक्ती पत्रे देण्यात आली. या प्रसंगी असोसिएशनचे कार्याध्यक्ष अॅड. यशवंत खराडे, सचिव अॅड. प्रवीण नलावडे, राज्य निरीक्षक अॅड. अतिश लांडगे, पुणे जिल्हा अध्यक्ष अॅड. कल्याण शिंदे, पुणे शहर उपाध्यक्ष अॅड आशिष ताम्हाणे आदी उपस्थित होते. अॅड. भोईटे हे चौतीस वर्षे वकील म्हणून कार्यरत आहेत. त्यांनी पुरंदर तालुका बार असोसिएशनचे दोनवेळा अध्यक्षपद भूषविले आहे. तसेच जेजुरी देवस्थानचे मुख्य विश्वस्तपद ते होते. अॅड.गिरमे हे तेहतीस वर्षांहून अधिककाळ वकील म्हणून कार्यरत आहेत. त्यांच्या सामाजिक व कायदाक्षेत्रातील योगदानाची दखल घेऊन त्यांची ही नियुक्ती करण्यात आली.