वाल्हे, ता.१ : नीरा (ता.पुरंदर) बाजारपेठेत दसऱ्याच्या पूर्वसंध्येला झेंडूच्या फुलांची मोठ्या प्रमाणावर आवक दिसून आली. मागील वर्षीच्या तुलनेत यंदा झेंडू फुलांच्या दरात लक्षणीय वाढ झाली आहे. त्यामुळे शेतकरी आणि फूलविक्रेते दोघांच्याही चेहऱ्यावर समाधानाचे भाव दिसून येत आहेत.
बाजारात यंदा फुलांची आवक तुलनेने मर्यादित असली तरी मागणी कायम असल्याने झेंडूच्या फुलांनी भाव खाल्ला आहे. बाजारात झेंडूचे दर प्रतिकिलो ८० ते १०० रुपयांपर्यंत पोचले आहेत. यासोबतच हार-फुलांच्या दरातही वाढ झाली असून ग्राहकांनी ती आनंदाने स्वीकारली आहे.
फूल उत्पादक शेतकऱ्यांसाठी ही वाढ दिलासादायक ठरली आहे. दरवाढीमुळे उत्पादन खर्च भरून निघत असल्याने अनेक शेतकऱ्यांनी समाधान व्यक्त केले. काही शेतकऱ्यांनी यंदाच्या चांगल्या भावामुळे पुढील वर्षी झेंडूची लागवड वाढवण्याचा निर्णय घेतल्याचेही बापू कदम, अजय कदम, मधुकर इंदलकर, नाना घोगरे आदी शेतकऱ्यांनी सांगितले.
यंदा दसऱ्यानिमित्त झेंडूची फुले मोठ्या प्रमाणावर विक्रीस आली होती. मागणीही चांगली होती. त्यामुळे झेंडूने बाजारात चांगला बाजारभाव मिळवला. ग्राहकांनीही बाजारभावाबाबत तक्रार न करता खरेदी केली. त्यामुळे सर्वांनीच या दसऱ्यात समाधान अनुभवले.
- जुनोद बागवान- व्यापारी नीरा
05354
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.