पुणे, ता. १६ ः सुरानंद फाऊंडेशनच्यावतीने देण्यात येणारा ‘सुरानंद सामजिक सेवा पुरस्कार’ सामाजिक कार्यकर्ते आणि महा एनजीओ फेडरेशनचे संस्थापक अध्यक्ष शेखर मुंदडा यांना नुकताच प्रदान करण्यात आला.
श्री चैतन्यमहाराज देगलूरकर, प्रमोद जगताप व एकनाथ महाराज यांचे वंशज योगीराज गोसावी यांच्या हस्ते बाणेर येथे झालेल्या कार्यक्रमात हा पुरस्कार प्रदान करण्यात आला. या वेळी सुरानंद फाउंडेशनचे प्रमुख विश्वास कळमकर, महा एनजीओ संचालक समितीचे मुकुंद शिंदे तसेच अक्षय भोसले उपस्थित होते. मुंदडा म्हणाले, ‘‘पुरस्काराने जबाबदारीची अधिक जाणीव करून दिली आहे. कोरोना काळात फेडरेशनच्यावतीने विविध सामाजिक उपक्रम राबविण्यात आले. समाजातील गरजूंपर्यंत मदत पोहोचावी, या उद्देशाने महाराष्ट्रातील विविध सामाजिक संस्थांसोबत एकत्र येऊन फेडरेशनच्या माध्यमातून काम केले जात आहे.’’