पुणे - कोरोनाचा धोका (Corona Danger) वाढत आहे, त्यामुळे नववर्षाचे स्वागत (New Year Celebration) करताना नागरिकांनी ३१ डिसेंबरला बाहेर न जाता शक्यतो घरीच साधेपणाने आनंद साजरा करावा. शहरात रात्री नऊ ते सकाळी सहापर्यंत जमावबंदी (Curfew) असणार आहे, असे महापालिका (Municipal) प्रशासनाने स्पष्ट केले आहे.

कोरोनाचे संक्रमण रोखण्यासाठी राज्य सरकारने नवे आदेश दिले आहेत, त्यानुसार महापालिकेने गुरुवारी (ता. ३०) आदेश काढले आहेत. कोरोनाचा नवा व्हेरियंट ओमिक्रॉन हा वाढत असल्याने नागरिकांनी मोठ्या प्रमाणात एकत्र येऊ नये, यासाठी हे आदेश काढले आहेत.

अशा आहेत सूचना

- ३१ डिसेंबर व एक जानेवारी रोजी शक्यतो घराबाहेर पडू नये

- रात्री नऊ ते सकाळी सहा या वेळेत जमावबंदीचे आदेश लागू

- नववर्षाचे स्वागत करताना बंदिस्त सभागृहात क्षमतेच्या ५० टक्के व खुल्या जागेत २५ टक्के उपस्थित हवी

- ज्येष्ठ नागरिक व लहान मुलांनी घराबाहेर पडू नये

- आनंद साजरा करताना धार्मिक व सांस्कृतिक मिरवणुकांवर बंदी

- धार्मिक स्थळांच्या ठिकाणी सोशल डिस्टन्सिंगचे पालन करावे