पुणे, ता. १ : अभिनेते विजय पटवर्धन फाउंडेशनतर्फे ‘निर्मला श्रीनिवास विनोदी लेखन स्पर्धा’ आयोजित केली असून, ती सर्वांसाठी खुली आहे. याबाबत स्पर्धेत सहभाग घेणाऱ्या स्पर्धकांना कथा, लेख किंवा पत्र किमान एक हजार आणि जास्तीत जास्त पंधराशे शब्दात टाइप करून vijaypatwardhanfoundation@gmail.com या ई-मेलवर ५ फेब्रुवारीच्या आत पाठवावे. स्पर्धेचा निकाल १२ फेब्रुवारी रोजी जाहीर होईल. लेखनाला कोणत्याही विषयाचे बंधन नाही. मात्र त्यात सामाजिक, सांस्कृतिक, राजकीय सलोखा बिघडवणारी अथवा जात, धर्म, प्रांत, भाषा, वेष आदी संवेदनशील मुद्यांबाबत वाद निर्माण करतील अशा आशयाची विधाने असू नयेत, असे आवाहन विजय पटवर्धन यांनी केले आहे.