पुणे, ता. ६ : सर्वांसाठी आरोग्य सेवा याच ध्येयातून कार्यरत असलेल्या ‘सह्याद्री हॉस्पिटल्स’ची यशोगाथा ‘महाब्रॅड्स’मधून मांडण्यात येणार आहे. महाराष्ट्रीय ब्रॅड्ना सलाम करणारा हा कार्यक्रम ‘साम टीव्ही’वर प्रसारित केला जाणार आहे. त्या अंतर्गत शुक्रवारी (ता. ७) दुपारी तीन वाजून २५ मिनिटांनी ‘सह्याद्री हॉस्पिटल्स’चा प्रवास ‘साम टीव्ही’वर प्रसारित केला जाणार आहे. डॉ. चारूदत्त आपटे आणि त्यांच्या तीन-चार सहकाऱ्यांनी मिळून १९९४ मध्ये हर्डीकर हॉस्पिटलमध्ये जागा भाड्याने घेऊन ‘पुणे इन्स्टिट्यूट ऑफ न्यूरोलॉजी’ची स्थापना केली. ‘सह्याद्री’चे बीज इथेच रोवले गेले. एकाच छताखाली जागतिक दर्जाच्या अनेक आरोग्य सेवा उपलब्ध करून एक नवा मापदंड ‘सह्याद्री’ने प्रस्थापित केला आहे. सर्वात कमी कालावधीत एनएबीएच मान्यता मिळवणारे हे एकमेव हॉस्पिटल आहे.