पुणे, ता. १० ः शाकाहारी आहाराबाबत जनजागृती निर्माण करण्यासाठी शहरातील प्राणी हक्क कार्यकर्त्यांतर्फे ‘व्हेगन्युरी’ कार्यक्रमाचे आयोजन नुकतेच करण्यात आले. या अंतर्गत कार्यकर्त्यांनी शहरातील विविध ठिकाणी जाऊन शाकाहारी आहाराबाबत जागरूकता निर्माण केली, तसेच प्राण्यांना मदत करण्यासाठी आणि पर्यावरण वाचवण्यासाठी जीवनशैलीत योग्य ते बदल करण्याबाबत मार्गदर्शन केले. विमान नगर, कल्याणी नगर, कोरेगाव पार्क आणि कॅम्प या परिसराचा यात समावेश होता. यावेळी संदेश देण्यासाठी पोस्टर्स व पत्रके वाटण्यात आली आणि जनजागृती करण्यासाठी घोषणा दिल्या.