पुणे, ता. २९ : इंडियन ऑईलला (इंडियन ऑइल कॉर्पोरेशन लिमिटेड) ग्लोबल हेल्दी वर्कप्लेस पुरस्काराने सन्मानित करण्यात आले आहे. बड्या उद्योग श्रेणीमध्ये असा पुरस्कार मिळविणारी ही देशातील पहिली पीएसयू ठरली आहे. कामाच्या ठिकाणी आरोग्यदायी वातावरण ठेवण्याच्या कंपनीच्या कार्यपद्धतीवर या पुरस्काराने मोहोर उमटविली आहे. कर्मचाऱ्यांची मानसिक आणि शारीरिक स्थिती उत्तम ठेवण्यासाठी कामाच्या ठिकाणी आनंदी, सकारात्मक आणि उत्पादनक्षम वातावरण निर्माण करण्याच्या कंपनीच्या प्रयत्नांचाही पुरस्कार सन्मान करतो. आॅनलार्इन समारंभात इंडियन ऑईलचे अध्यक्ष श्रीकांत माधव वैद्य यांनी इंडियन ऑइलच्यावतीने पुरस्कार स्वीकारला. ग्लोबल सेंटर फॉर हेल्दी वर्कप्लेसचे सहसंचालक आणि सहसंस्थापक वुल्फ क्रिस्टिन आणि टॉमी हचिन्सन यांच्या उपस्थितीत पुरस्कार प्रदान करण्यात आला.