पुणे, ता. १२ : "स्वामी विवेकानंद यांनी खऱ्या अर्थाने जगाला हिंदू धर्माचा परिचय करून दिला. भारतात बंधुभावाची भावना असली, तरी देखील विवेकानंदांनी जगाला त्याची ओळख करून दिली,'''' असे मत सामाजिक कार्यकर्ते युवराज शहा यांनी व्यक्त केले.
ग्राहक पेठेतर्फे स्वामी विवेकानंद जयंतीनिमित्त टिळक रस्त्यावरील ग्राहक पेठेच्या प्रांगणात विवेकानंदांना अभिवादन करण्यात आले, त्यावेळी ते बोलत होते. स्वामी विवेकानंदांच्या पूर्णाकृती पुतळ्याला यावेळी पुष्पहार अर्पण करण्यात आला. याप्रसंगी ग्राहक पेठेचे कार्यकारी संचालक सूर्यकांत पाठक म्हणाले, ‘‘स्वामी विवेकानंद हे युवकांचे नेतृत्व आहे. त्यांचा आदर्श घेऊन कार्य करणारे अनेक व्यक्ती आहेत. युवा पिढीसाठी कार्य करणारे पुण्यात देखील अनेक कार्यकर्ते आहे. त्यांना स्वामी विवेकानंद जयंतीच्या निमित्ताने सन्मानित करून त्यांची ओळख समाजाला व्हावी, असा प्रयत्न आहे.’’

35178