पुणे, ता. १२ : संभाजी ब्रिगेड आणि शिवधर्म सोशल फाउंडेशनने फुरसुंगी येथे जिजाऊ जन्मोत्सवाचे आयोजन उत्साहात केले. यानिमित्त आरोग्य शिबिरासह विविध कार्यक्रमांचे आयोजन केले.
एकता योग फुरसुंगी वर्गाने सूर्यनमस्कार व योगासने करून जिजाऊंना मानवंदना दिली. यावेळी शिवधर्म सोशल फाउंडेशन नामफलकाचे अनावरण केले. आनंदी परिवार व दिव्य स्पर्शी क्लिनिक यांच्या सहकार्याने संभाजी ब्रिगेडचे पुणे जिल्हाध्यक्ष उत्तम कामठे यांनी फुरसुंगी गावातील नागरिकांसाठी आरोग्य तपासणी शिबिराचे आयोजन केले. त्यात दीडशे नागरिकांची बॉडी स्कॅनिंग चाचणी मोफत केली. ग्रामीण भागातून आलेल्या एमपीएससी-यूपीएससी करणाऱ्या विद्यार्थ्यांसाठी जगद्गुरू संत तुकाराम महाराज अन्नछत्र सुरू करीत असल्याचे उज्‍वला कामठे यांनी सांगितले.
शिवव्याख्याते गणेश फरताळे यांनी जिजाऊ जन्माविषयी माहिती दिली. आनंदी परिवारचे डॉ. कुमार गायकवाड व त्यांच्या सहकाऱ्यांचे शाल व जिजाऊंची प्रतिमा देऊन स्वागत केले. कामठे यांनी सदगुरू वामनराव पै यांच्या विचारांचे दिनदर्शिका देऊन सर्व उपस्थितांचे स्वागत केले. गोरख कामठे यांनी सूत्रसंचालन केले.
संभाजी ब्रिगेडचे विवेक तुपे, अमोल मगर, मनोज गायकवाड, सचिन कामठे, बाळासाहेब लेंडे, भाऊसाहेब कामठे, सागर कामठे, सचिन झांबरे, विलास पवार, पांडुरंग शेलार, बाळासाहेब घोलप, रवींद्र मोडक, नंदकुमार सरोदे, विलास कामठे आदी उपस्थित होते.