पुणे, ता. १२ : पुणे जिल्ह्यात बुधवारी (ता. १२) दिवसभरात ८ हजार ३४२ नवे कोरोना रुग्ण आढळून आले आहेत. जिल्ह्यातील दिवसातील एकूण नवीन कोरोना रुग्णांत पुणे शहरातील सर्वाधिक ४ हजार ८५७ रुग्ण आहेत. अन्य तीन रुग्णांचा कोरोनाने मृत्यू झाला आहे. एकूण मृत्यूमध्ये पुणे शहर, पिंपरी चिंचवड आणि जिल्हा परिषद कार्यक्षेत्रातील प्रत्येकी एक मृत्यू आहे.
याउलट दिवसात ३ हजार १० जण कोरोनामुक्त झाले असून, अन्य तीन जणांचा कोरोनाने मृत्यू झाला आहे. दिवसातील एकूण मृत्यूपैकी पुणे शहरातील सर्वाधिक १ हजार ८०५ जण आहेत. पिंपरी चिंचवडमधील ५९१, जिल्हा परिषद कार्यक्षेत्रातील ४२२, नगरपालिका हद्दीतील ११८ आणि कॅंटोन्मेंट बोर्ड क्षेत्रातील ७४ जणांचा समावेश आहे.
बुधवारी दिवसभरात पुणे शहरापाठोपाठ पिंपरी चिंचवडमध्ये २ हजार ६५, जिल्हा परिषद कार्यक्षेत्रात १ हजार ११, नगरपालिका हद्दीत २५३ आणि कॅंटोन्मेंट बोर्ड क्षेत्रात १५६ रुग्ण सापडले आहेत. जिल्ह्यात दिवसभरात ३८ हजार ३६ कोरोना चाचण्या घेण्यात आल्या आहेत. दरम्यान, जिल्ह्यातील एकूण सक्रिय कोरोना रुग्णांची संख्या ही ३८ हजार एक इतकी झाली आहे. एकूण सक्रिय रुग्णांपैकी १ हजार ७५२ जणांवर शहर व जिल्ह्यातील विविध रुग्णालयात उपचार सुरु आहेत. उर्वरित ३६ हजार २४९ जण गृहविलगीकरणात आहेत.