पुणे, ता. ३१ ः राष्ट्रवादी काँग्रेस पक्षाच्या पर्वती विधानसभा डॉक्टर्स सेलची नवीन पदाधिकाऱ्यांसह कार्यकारणीची नियुक्ती करण्यात आली आहे. पुणे शहर अध्यक्ष डॉ. सुनील जगताप यांच्या अध्यक्षतेखाली ही नेमणूक पार पडली. नव्या कार्यकारिणीमध्ये राष्ट्रवादी डॉक्टर सेल पर्वती विधानसभा अध्यक्षपदी डॉ. नितीन ढुमणे, कार्याध्यक्ष म्हणून डॉ. सचिन ढमाले व डॉ. कुशल खोडदे, उपाध्यक्षपदी डॉ. सचिन केदार आणि डॉ. कुशल महाजन यांची, तर सचिव म्हणून डॉ. सुनील धुमाळ आणि डॉ. ज्योती तुसे यांची निवड करण्यात आली आहे, तसेच इतर पदाधिकाऱ्यांची नेमणूक करण्यात आली आहे. या प्रसंगी कार्याध्यक्ष डॉ. अनिल दुधभाते, डॉ. हेमंत तुसे, डॉ. परशुराम सूर्यवंशी, राज्य समन्वयक डॉ. राहुल सूर्यवंशी, डॉ. अजितसिंह पाटील आदी उपस्थित होते.
- - - - - - -