पुणे, ता. ३१ ः राज्यातील शाळा सुरू झाल्यानंतर दोन आठवड्यांनी मंगळवारी (ता. १) शहरातील शाळा पुन्हा सुरू होत आहे. विद्यार्थ्यांच्या स्वागतासाठी शाळांची तयारी जवळ-जवळ पूर्ण झाली असून, शिक्षक व कर्मचारी विद्यार्थ्यांच्या आगमनाची वाट पाहत आहे. वर्ग निर्जंतुकीकरण, शिक्षकांच्या कोविड चाचण्या आदी तयारी पूर्ण करण्यात आली आहे.
ओमिक्रॉन प्रसाराच्या पार्श्वभूमीवर बंद केलेल्या राज्यातील शाळा १९ जानेवारीपासून सुरू करण्यास परवानगी दिली होती. मात्र, पुण्यात कोरोनाची परिस्थिती नियंत्रणात आली नसल्याने शाळा सुरू करण्याचा निर्णय पुढे ढकलण्यात आला होता. अखेरीस पालकमंत्री अजित पवार यांच्या कोरोना आढावा बैठकीनंतर मंगळवारी शाळा सुरू होत आहे.
...अशी आहे नियमावली
- शाळांमध्ये पाठवण्याचा निर्णय संपूर्ण पालकांचा असणार
- शाळेची वेळ केवळ चार तास
- विद्यार्थ्यांनी नाश्ता करून यायचं अन् घरी जाऊन जेवण करायचं
- मास्क काढायला लागेल अशा अॅक्टिव्हिटी टाळणार
- पालकांनी मुलांना मास्कचं बंधन करावं
- रविवारी आणि सोमवारी शाळा निर्जंतुक कराव्या
कोरोनाच्या पार्श्वभूमीवर शाळा सुरू करण्याची पूर्वतयारी पूर्ण झाली आहे. शाळांचे निर्जंतुकीकरण झाले आहे. उद्या मुलांचे स्वागत मास्क आणि चॉकलेट देऊन करणार आहोत.
- मंगला चौधरी, मुख्याध्यापिका, वीर शिवाजी मराठा जिजामाता मुलींचे विद्यालय, शुक्रवार पेठ
PNE22S39373
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.