पिंपरीमध्ये तरुणाला
टोळक्याकडून मारहाण

पिंपरी, ता. ३१ : शिवीगाळ व मारहाण केल्याचा जाब विचारण्यासाठी गेलेल्या तरुणाला टोळक्याने कोयता व रॉडने बेदम मारहाण केली. हा प्रकार पिंपरी येथे घडला.
या प्रकरणी हेमंत मनोज लखन (रा. सेनट्री चाळ, भाजी मंडईजवळ, पिंपरी) यांनी फिर्याद दिली आहे. त्यानुसार रोहित महादू गुंजाळ (वय २९), कुणाल महादू गुंजाळ (वय २७), प्रेम संतोष खलसे (वय १९), विशाल तोरणे (वय ३०, सर्व रा. भीमनगर, पिंपरी ) व पाच ते सहा जणांवर गुन्हा दाखल झाला आहे. फिर्यादी यांचा भाऊ राहुल याने गुटखा आणून दिला नाही म्हणून आरोपी रोहित याने शिवीगाळ व मारहाण केली होती. याबाबत फिर्यादी हे सेनट्री चाळ येथे विचारणा करण्यास गेले असता, आरोपींनी त्यांना शिवीगाळ केली. तसेच रोहित याने कोयत्याने, कुणाल याने रॉडने तर प्रेम व विशाल यांनी काठीने बेदम मारहाण केली. या प्रकरणी पिंपरी पोलिस ठाण्यात गुन्हा दाखल असून, पोलिस अधिक तपास करीत आहेत.
-----------------