पुणे, ता. ३१ : जीवे मारण्याच्या प्रयत्न केल्याप्रकरणी दाखल असलेल्या गुन्ह्यात एकास न्यायालयाने जामीन मंजूर केला आहे. सत्र न्यायाधीश एस. आर. नावंदर यांनी हा आदेश दिला. या आरोपीवर वानवडी पोलिसांनी मोक्का कायद्यांतर्गत कारवाई केली होती. चेतन पांडुरंग ढेबे असे जामीन मिळालेल्या आरोपीचे नाव आहे. या प्रकरणी नागेश पंढरीनाथ मिसाळ यांनी फिर्याद दिली होती. ढेबे याने अ‍ॅड. विनायक जैनक व अ‍ॅड. ओंकार सोवनी यांच्यामार्फत न्यायालयात जामिनासाठी अर्ज केला होता. दोन वर्षांपर्यंत न्यायालयाच्या तारखेशिवाय पुणे शहराच्या हद्दीत प्रवेश करायचा नाही, तसेच साक्षीदारांवर कोणत्याही प्रकारचा दबाव टाकायचा नाही, या विविध अटी शर्तींसह २५ हजार रुपयांच्या वैयक्तिक जातमुचलक्यावर जामीन मंजूर झाला.