पुणे, ता. १३ : व्हिस्कीची बाटली दिली नाही म्हणून वाइन शॉप चालकाच्या डोक्यात आणि हातावर कोयत्याने वार करून, त्याला जीवे मारण्याचा प्रयत्न केल्याप्रकरणी आरोपीचा जामीन अर्ज न्यायालयाने फेटाळला. सत्र न्यायाधीश जी. पी. अगरवाल यांनी हा आदेश दिला. राहुल दत्तात्रय घुले (वय ३८, रा. मांजरी बुद्रुक) असे आरोपीचे नाव आहे. त्याच्याविरोधात हडपसर पोलिस ठाण्यात गुन्हा दाखल करण्यात आला आहे. याबाबत वाइन शॉप चालक मंगेश पाबळे यांनी फिर्याद दिली आहे. ही घटना २६ डिसेंबर २०२१ रोजी दुपारी तीनच्या सुमारास शेवाळवाडी येथील वाइन शॉपमध्ये घडली.