पुणे, ता. १५ : शिवाजीनगर येथील मॉडर्न कला, विज्ञान आणि वाणिज्य महाविद्यालयाचे प्राचार्य डॉ. राजेंद्र झुंजारराव यांच्या ‘फुलोरा’ या काव्य संग्रहाला यंदाचा ‘साहित्यरत्न पुरस्कार’ देण्यात आला आहे. मंगळवेढा येथील शब्दकळा साहित्य संघाच्या वतीने देण्यात येणाऱ्या या पुरस्काराचे यंदाचे एकविसावे वर्ष आहे. संघाच्या वतीने राज्यातील ३८ नामवंत साहित्यिकांना यावेळी पुरस्कार देऊन गौरविण्यात आले. यावेळी माजी मंत्री लक्ष्मण ढोबळे, ज्येष्ठ साहित्यिक वामन जाधव, आमदार समाधान अवताडे, प्राचार्य सुभाष कदम, दत्तात्रेय सावंत आदी उपस्थित होते.