पुणे, ता. २२ : जीवे मारण्याचा प्रयत्न केल्याप्रकरणात अटकेत असलेला ओंकार महादू खांदवे (वय २५, रा. स. नं. १२०, खांदवेनगर, लोहगाव) याचा जामीन अर्ज न्यायालयाने फेटाळला. सत्र न्यायाधीश बी. पी. क्षीरसागर यांनी हा आदेश दिला. या प्रकरणात जामीन मिळावा यासाठी त्याने न्यायालयात अर्ज केला. त्यास सरकारी वकील लीना पाठक यांनी विरोध केला. आरोपीने गुन्हा केल्याचे पुरावे मिळाले आहेत. त्या विरोधातील दोषारोपपत्र न्यायालयात पाठविण्यात आले आहे. त्यामुळे त्याचा जामीन अर्ज फेटाळण्याची विनंती अ‍ॅड. पाठक यांनी केली. न्यायालयाने ती मान्य करत खांदवे याचा जामीन अर्ज फेटाळला.