पुणे, ता. २२ ः पुणे महापालिकेच्या निवडणुकीत सर्व जागा स्वबळावर लढविण्याचा निर्णय राष्ट्रीय समाज पक्षाने घेतला आहे, अशी घोषणा राष्ट्रीय समाज पक्षाचे प्रदेशाध्यक्ष काशिनाथ शेवते यांनी केली.
पुण्यात आयोजित सत्कार समारंभ व महिला रोजगार मेळाव्यात कार्यकर्त्यांना मार्गदर्शन करताना ते बोलत होते. प्रदेशाध्यक्ष काशिनाथ शेवते व मुख्य महासचिव ज्ञानेश्वर सलगर यांचा सत्कार शहराध्यक्ष विनायक रूपनवर व शहर संपर्कप्रमुख अंकुश देवडकर यांच्या हस्ते करण्यात आला. यावेळी महिला कला, कौशल्य व उद्योजक विकास मार्गदर्शन शिबिराचे आयोजन करण्यात आले होते. शहर महिला उपाध्यक्षा सुनीता किरवे, शहर उपाध्यक्ष बालाजी पवार, पश्चिम महाराष्ट्र युवक अध्यक्ष अजित पाटील, संजय माने, उमेश कोकरे, बिरुदेव अनुसे, तृप्ती धनवटे, अनिता डफख, प्राजक्ता परचुरे, ॲड. मंजूषा नयन, सचिन गुरव, राजेश लवटे, शरद शेजवळ, सुजित वीरकर, प्रथमेश गवळी आदी यावेळी उपस्थित होते.