पुणे, ता. २४ ः युवा सूत्रसंचालक आणि उदयोन्मुख कवी प्रचेतन पोतदार रचित ‘मेरी कविता मेरे लिए’ या हिंदी काव्यसंग्रहाचे नुकतेच ऑनलाइन प्रकाशन झाले. विनोदी, मार्मिक, वास्तववादी, कल्पनारम्य अशा विविध विषयांवरील ‘कोरोना व्हॅक्सिन, पापा का जन्मदिन, असली नकली बिजली, कस्टमर केअर, इन्स्टाग्राम मॉडेल, सफर-ए-विद्यापन अशा विविध चोवीस काव्यांचा या संग्रहात समावेश आहे. या काव्य संग्रहाला इंग्लंडमधील मूळ भारतीय वंशाच्या कवयित्री आणि लेखिका परमिंदर स्यान यांची प्रस्तावना लाभली आहे. नवीन वर्षात काहीतरी नवीन करण्याच्या उद्देशाने काव्यसंग्रह रचण्याचा संकल्प केला. त्यातूनच हा काव्यसंग्रह आकाराला आला असल्याचे प्रचेतन पोतदार याने सांगितले.