खडकवासला धरणातून मुठा उजव्या कालव्यातून अनेकदा कचरा वाहून जाताना निदर्शनास येते. नागरिकांनी कालव्यात कचरा टाकू नये यासाठी काही ठिकाणी पुलावर जाळ्याही बसविण्यात आल्या. धरणातून शेतीसाठीचे आवर्तन बंद केल्यानंतर परिसरातील रहिवासी कालव्यात कचरा टाकत असल्याने प्रदूषण होत आहे. त्यामुळे परिसरात दुर्गंधी निर्माण होत आहे. काही ठिकाणी कालव्याच्या भिंतीच दुरवस्था झाली असून, बसवण्यात आलेल्या जाळ्यांवर वेल वाढल्या आहेत. त्याकडे प्रशासनाचे दुर्लक्ष होत आहे.