पुणे शहरात कोरोनाच्या वाढत्या संसर्गामुळे सोमवारपासून (ता. १०) रात्री अकरा ते पहाटे पाच वाजेपर्यंत संचारबंदी असणार आहे, तर पहाटे पाच वाजल्यापासून ते रात्री अकरा वाजेपर्यंत जमावबंदी असणार आहे, असा आदेश पोलिस सहआयुक्त डॉ. रवींद्र शिसवे यांनी काढला आहे. त्यामुळे आता दिवसा पाचपेक्षा जास्त नागरिकांना एकत्र येण्यास मनाई असणार आहे, तर रात्री संचारबंदीमुळे नागरिकांना विनाकारण फिरण्यावर मर्यादा येणार आहे. संबंधित आदेशाचे उल्लंघन करणाऱ्या व्यक्तींविरुद्ध कडक कारवाई करण्यात येईल, असे शिसवे यांनी सांगितले आहे.