पुणे, ता. २३ ः सूर्यदत्त एज्युकेशन फाउंडेशनद्वारे संचलित सूर्यदत्ता इन्स्टिट्यूट ऑफ अल्टरनेटिव्ह थेरपीज अँड रिसर्चच्या वतीने ३० एप्रिल ते २ मे दरम्यान ऑस्टियोपॅथिक तपासणी व उपचार शिबिर बावधन येथील संस्थेच्या आवारात आयोजित केले आहे. सकाळी ९ ते १ व दुपारी ३ ते ५ या वेळेत होणाऱ्या या शिबिरात ऑस्टियोपॅथी डॉ. गोवर्धन लाल पराशर हे स्वतः उपचार करणार आहेत. ऑस्टियोपॅथी ही एक औषध-मुक्त उपचारपद्धती असून, त्याद्वारे सांधे, स्नायू आणि मणक्याचे विकार बरे केले जातात. मज्जासंस्था, रक्ताभिसरण आणि लसीका यावर याचा चांगला परिणाम होतो.
डॉ. पराशर यांनी चार हजार ५०० शिबिरांच्या माध्यमातून जगभरातील लाखो रुग्णांवर यशस्वी उपचार केले आहेत. सामाजिक बांधिलकीच्या भावनेतून या शिबिराचे आयोजन केले असून, या विशेष संधीचा पुणेकरांनी लाभ घ्यावा, असे आवाहन सूर्यदत्त एज्युकेशन फाउंडेशनचे संस्थापक अध्यक्ष प्रा. डॉ संजय चोरडिया यांनी केले आहे.
या शिबिरात सहभागी होण्यासाठी २७ एप्रिलपर्यंत ७७७६०७२००० आणि ८९५६९३२४०० या क्रमांकांवर संपर्क साधावा.