स्वयंसेवी संस्थांसाठी
१६ रोजी कार्यशाळा
पुणे ः स्वयंसेवी संस्थांच्या कामाला गती मिळण्यासाठी ‘क्षमता विकास’ या विषयावर १६ एप्रिल रोजी ‘एनजीओ मीट २०२२’ या उपक्रमाचे आयोजन करण्यात आले आहे. राष्ट्रवादी काँग्रेसचा एनजीओ सेल आणि लायन्स क्लबने हा उपक्रम आयोजित केला असल्याची माहिती संयोजन समितीचे अनिल मंद्रूपकर यांनी गुरुवारी पत्रकार परिषदेत सांगितले. जंगली महाराज रस्त्यावरील हॉटेल क्लार्क इनमध्ये सकाळी साडेनऊ ते दुपारी दीड हा उपक्रम होणार आहे. त्यात माजी धर्मादाय आयुक्त दिलीप देशमुख, सीए सुरेश मेहता, सीए राम डावरे, डॉ. अनिल धनेश्वर आणि खासदार वंदना चव्हाण मार्गदर्शन करणार आहेत, असे मंद्रूपकर, प्रमोद उमरदंड, किशोर मोहोळकर, विश्वास सूर्यवंशी, डॉ. दीप्ती काळे यांनी सांगितले. या बाबतचा अधिक तपशील ९८८११२८३०३ या मोबाईल क्रमांकावर मिळेल.