लवंगमध्ये कृषीदूतांचे शेतकऱ्यांना मार्गदर्शन
लवंग ः महात्मा फुले कृषी विद्यापीठ, राहुरी अंतर्गत सद्‍गुरू कृषी महाविद्यालय, मिरजगाव ता. कर्जत, जि. अहमदनगर येथील कृषीदूत राहुल यादव, निखिल सरदार, प्रतिक शिंदे, तुषार सातव, निखिल पवार, रणजित व्यवहारे यांचे ग्रामीण कृषी कार्यानुभव आणि कृषी औद्योगिक संलग्नता उपक्रम २०२५-२६ च्या अभ्यास दौऱ्यानिमित्ताने माळशिरस तालुक्यातील लवंग या गावामध्ये आगमन झाले. लवंग येथील सरपंच व ग्रामस्थांनी कृषीदूतांचे स्वागत केले. कृषीदूतांच्या आगमनावेळी गावचे सरपंच प्रशांत पाटील, उपसरपंच सज्जन दुरापे, ग्रामसेवक मोहन मिटकल,कृषी सहाय्यक राम कोकाटे इतर ग्रामपंचायत सदस्य, ग्रामपंचायत कर्मचारी व ग्रामस्थ उपस्थित होते. अभ्यास दौऱ्यात विद्यार्थ्यांना सदगुरू कृषी महाविद्यालयाचे प्राचार्य डॉ. आर. के बिटे , कार्यक्रम समन्वय प्रा. सी. बी. माने, कार्यक्रम अधिकारी प्रा. एस. आर. आढाव , महाविद्यालयातील इतर सर्व प्राध्यापक वर्ग आणि विषयक तज्ञांचे मार्गदर्शन लाभत आहे.