आळेफाटा, ता. २९ ः आळे (ता. जुन्नर) येथील ज्ञानराज ग्रामविकास प्रतिष्ठान संचलित ज्ञानराज इंग्लिश मीडियम स्कूलमध्ये वार्षिक स्नेहसंमेलन उत्साहात पार पडले. कार्यक्रमाचे उद्‍घाटन उद्योजक राजेंद्र निमसे व संस्थेचे अध्यक्ष नेताजी डोके, सुनील कुऱ्हाडे यांच्या हस्ते करण्यात आले.
या वेळी विद्यार्थ्यांना मार्गदर्शन करताना प्रमुख पाहुणे निमसे म्हणाले, ‘‘शाळेसाठी जी मदत लागेल ती करण्यासाठी प्रयत्न करणार आहोत.’’ दरम्यान यावर्षीचा ज्ञानराज पुरस्कार हा गावचे माजी सरपंच महेंद्र शहा यांना देण्यात आला. विद्यार्थ्यांनी देशभक्तिपर गिते, कोळी गिते, सामूहिक नृत्ये, लावणी, एकांकिका आदी कार्यक्रम सादर केले.
या प्रसंगी संस्थेचे सचिव दिलीप वाव्हळ, सहकार्याध्यक्ष प्रसन्न डोके, माऊली कुऱ्हाडे, जयवंत घोडके, मुकुंद भंडलकर, ॲड. दत्तात्रेय भागवत, पांडुरंग वाघचौरे, पुणे जिल्हा परिषदेच्या माजी सदस्या नयना डोके आदी उपस्थित होते.
सूत्रसंचालन प्रवीण सोनवणे व प्रतिमा जाधव यांनी केले. आभार प्राचार्य गुलाब बोऱ्हाडे यांनी मानले.