मुधोजी हायस्कूलच्या मुलींची बाजी

आसू : फलटण एज्युकेशन सोसायटीचे मुधोजी हायस्कूल व ज्युनिअर कॉलेज फलटणचा इयत्ता दहावीचा निकाल ९३.७२ टक्के लागला आहे. यामध्ये जान्हवी लांडगे आणि सई शिंदे यांनी (९६.४०) प्रथम, वेदांतिका कणसे (९४.४०) द्वितीय, तर श्रेया कदम (९३.६०) तृतीय क्रमांक मिळवला. सई शिंदे हिने संस्कृत, तर गणित विषयात आर्यन शिंदे, आदित्य बोडके, मयंक दोशी यांनी १०० पैकी १०० गुण मिळवले.
यशस्वी विद्यार्थ्यांचे आणि मार्गदर्शक शिक्षकांचे आमदार रामराजे नाईक- निंबाळकर, माजी आमदार दीपक चव्हाण, रघुनाथराजे नाईक- निंबाळकर, संजीवराजे नाईक- निंबाळकर, अरविंद निकम, दिलीप राजगुडा, सुधीर अहिवळे, प्रशालेचे प्राचार्य वसंतराव शेडगे यांच्यासह फलटण एज्युकेशन सोसायटीच्या नियामक मंडळाचे सदस्य, शाळा व्यवस्थापन समितीचे सदस्य व शिक्षकांनी अभिनंदन केले.
------------------------------
02833