बालेवाडी, ता. १ ः सोलापूर येथील कृषी संशोधन केंद्राचे माजी प्रमुख शास्त्रज्ञ प्रा. डॉ. जनार्दन कदम व राहुरीतील महात्मा फुले कृषी विद्यापीठातील ११ मृद शास्त्रज्ञांनी कोईमतूर येथील तमिळनाडू कृषी विद्यापीठात पार पडलेल्या चार दिवसीय भारतीय मृदशास्त्र परिषदेस उपस्थिती लावली.
यावेळी डॉ. हिमांशू पाठक यांनी ‘एआय’चा शेतीसाठी वापर, एकात्मिक अन्नद्रव्य व्यवस्थापन, एकरी दुप्पट उत्पन्न कसे करता येईल, यावर मार्गदर्शन केले. परिषदेस भारतातील पाचशे मृद शास्त्रज्ञ व विद्यार्थ्यांनी सहभाग घेतला. यावेळी एकूण ५०० शोधनिबंध प्रदर्शित करण्यात आले.
प्रा. कदम व त्यांच्या सहकाऱ्यांनी ऊस पैदासकर संस्थेच्या प्रक्षेत्रास भेट देऊन तीन हजार जातींची माहिती घेतली.