धायरी, ता. ३१ : सिंहगड पोलिस ठाण्याच्या हद्दीतील मोका कायद्यांतर्गत गुन्हा दाखल असलेला आरोपी आठ महिन्यांपासून फरार होता. तो भुमकर चौकाजवळ थांबल्याची माहिती मिळताच पोलिसांनी आज त्याला अटक केली.
आकाश सुभाष गाडे (वय २५, रा. रामनगर राममंदिराजवळ, सिंहगड रस्ता) असे आरोपीचे नाव आहे. सिंहगड ठाण्यामध्ये त्याच्याविरुद्ध खुनाचा प्रयत्न, बेकायदा शस्त्र बाळगणे, धमकी देणे आदी कलमांन्वये गुन्हा दाखल केला आहे. सहायक पोलिस निरीक्षक सचिन निकम व कर्मचाऱ्यांनी त्याला अटक केली.