शिवाजीनगर, ता. २ : मॉडेल कॉलनीतील ‘एचएनडी जैन बोर्डिंग’ परत समाजाला मिळवून देण्यासाठी झालेल्या ‘सेव एचएनडी’ आंदोलनाला मिळालेल्या यशानिमित्त पुण्यात ‘सेव एचएनडी अभिनंदन सोहळा, पिंछी परिवर्तन आणि धर्मोदय वर्षायोग कलश निष्ठापण समारोह’ जैन बोर्डिंग येथे उत्साहात झाला.
जैन समाजातर्फे आचार्य गुप्तिनंदिजी महाराज यांना ‘क्रांतिकारी राष्ट्रसंत’ ही उपाधी प्रदान करण्यात आली. महाराष्ट्र बुक ऑफ रेकॉर्ड्सतर्फे देखील त्यांचा सन्मान करण्यात आला. या वेळी महाराष्ट्र बुक ऑफ रेकॉर्डचे डॉ. मेहबूब सय्यद, सकल दिगंबर जैन समाज कमिटीचे देशभूषण डुड्डू, सुनील मंगुडकर, प्रीतम मेहता, रवींद्र कासलीवाल, स्वप्नील पाटणी, वीरेंद्र शहा, मनीष जैन, वीरेंद्र शहा, सुजाता शहा, शीतल लोहाडे आदी कमिटी मेंबर यांच्या उपस्थितीत गुरुदेव यांना सन्मान पत्र सादर करण्यात आले. आंदोलनात साथ देणाऱ्या पत्रकारांचा सत्कार यावेळी करण्यात आला. अरविंद जैन, एस.पी. जैन, शोभा धारिवाल, किशोर सराफ, संजोग शहा, शांतिलाल मुथा, विजयकांत कोठारी, अॅड. एस.के. जैन, अचल जैन, विलास राठोड, लक्ष्मीकांत खाबिया, बाळासाहेब धोका, सीए अशोक पगारिया, डॉ. कल्याण गंगवाल आदी उपस्थित होते.