मंचर, ता. २७ : ‘‘येथील कृषी उत्पन्न बाजार समितीच्या आवारात गुरुवार (ता. १ जानेवारी) ते बुधवार (ता. ७) या कालावधित दररोज सायंकाळी सहा ते रात्री नऊ यावेळेत श्रीमद्‍भागवत कथा ज्ञानराज सोहळा आयोजित केला आहे.’’ अशी माहिती आंबेगाव तालुका कृषी उत्पन्न बाजार समितीचे सभापती नीलेश थोरात यांनी दिली.
माजी गृहमंत्री दिलीप वळसे पाटील यांच्या गौरवपूर्ती सोहळ्यानिमित्त डॉ. विकासनंद महाराज मिसाळ यांचे कथा सादरीकरण होणार आहे. प्रारंभ दिलीप वळसे पाटील व म्हाडाचे अध्यक्ष शिवाजीराव आढळराव पाटील यांच्या हस्ते होणार आहे.
‘‘श्रीमद्‍भागवत कथा ज्ञानराज सोहळा कार्यक्रमाची जय्यत तयारी झाली आहे. कार्यक्रमात दररोज भाविकांसाठी अन्नप्रसादाची व्यवस्था केली आहे. सर्व भाविकांनी मोठ्या संख्येने उपस्थित रहावे.’’ असे आवाहन आंबेगाव तालुका कृषी उत्पन्न बाजार समितीचे उपसभापती सचिन पानसरे यांनी केले.