मोरगाव, ता. २९ : काऱ्हाटी (ता. बारामती) येथील कृषी उद्योग मूल शिक्षण संस्था यांना शैक्षणिक क्षेत्रातील भरीव व उल्लेखनीय कार्याबद्दल इंडिया इलाईट एज्युकेशन अँड एक्सलन्स अवॉर्ड अँड कॉन्फरन्स २०२६ (राष्ट्रीय स्तर) अंतर्गत मोस्ट ट्रस्टेड अँड आउटस्टँडिंग एज्युकेशनल ट्रस्ट ऑफ द इयर २०२६ (महाराष्ट्र) हा मानाचा राष्ट्रीय पुरस्कार जाहीर करण्यात आला आहे.
ही संस्था उपमुख्यमंत्री अजित पवार यांच्या अध्यक्षतेखाली कार्यरत असून राज्यसभा खासदार व संस्थेच्या विश्वस्त सुनेत्रा पवार यांच्या सक्षम मार्गदर्शनाखाली संस्थेने शिक्षण क्षेत्रात उल्लेखनीय कामगिरी केली आहे.
संस्थेच्या गुणवत्तापूर्ण शिक्षण, उत्कृष्ट प्रशासन, कौशल्य विकास व सामाजिक योगदान या क्षेत्रातील कार्याची दखल घेत हा पुरस्कार प्रदान करण्यात आला आहे.
या सोबतच संस्थेला एक्सलन्स इन एज्युकेशनल स्टॅंडर्डस अडॅप्टॅबिलिटी अँड इम्प्लिमेंटेशन या विशेष श्रेणीत ही आणखी एक राष्ट्रीय पुरस्कार जाहीर करण्यात आला आहे. पुरस्कार वितरण समारंभ व राष्ट्रीय शैक्षणिक परिषद ३० जानेवारी २०२६ला बेंगळुरू येथील ताज वेस्ट एंड ग्रँड बॉलरूम येथे आयोजित केले आहे.
या यशाबद्दल संस्थेचे अध्यक्ष अजित पवार, विश्वस्त सुनेत्रा पवार, उपाध्यक्ष दशरथ धुमाळ, सचिव प्रफुल्ल तावरे, खजिनदार सुभाष सोमाणी, सर्व विश्वस्त मंडळ, मुख्य कार्यकारी अधिकारी, सर्व प्राचार्य, शिक्षक, कर्मचारी, विद्यार्थी व पालक यांचे सर्वत्र अभिनंदन होत आहे.