मुंबई, ता. २३ : मुंबईच्या डबेवाल्यांच्या इतिहासात महादू हावजी बच्चे हे नाव शिस्त, सेवा आणि समर्पणाचे तेजस्वी प्रतीक आहे. मुंबईत हजारो डबे वेळेवर पोहोचविण्याची व्यवस्था करण्यासाठी त्यांनी डबेवाल्यांची संघटनात्मक बांधणी केली होती. डबेवाल्यांचे आदर्श म्हणून त्यांची ओळख आहे. या पार्श्वभूमीवर पुणे जिल्ह्यातील वाजवणे या त्यांच्या जन्मगावी महादू हावजी बच्चे व स्व. हभप गुरूवर्य वाजवणे बाबा यांचे भव्य स्मारक उभारले जाणार आहे. आमदार श्रीकांत भारतीय यांच्या हस्ते बुधवारी (ता. २६) हे भूमिपूजन होणार असल्याची माहिती मुंबई टिफिन बॉक्स सप्लायर्स असोसिएशनने दिली.