संक्षिप्त महावीर बँकेच्या उपाध्यक्षपदी लुंकड जळगाव : श्री महावीर सहकारी बँकेच्या उपाध्यक्षपदी स्वरूपकुमार लुंकड यांची बिनविरोध निवड करण्यात आली. बँकेच्या नवीपेठ येथील मुख्यालयात अध्यक्ष दलिचंद जैन यांच्या अध्यक्षतेखाली झालेल्या संचालक मंडळाच्या बैठकीत ही निवड करण्यात आली. निवडीनंतर बोलताना स्वरूपकुमार लुंकड यांनी संचालक मंडळाने दाखविलेल्या विश्वासाबद्दल कृतज्ञता व्यक्त केली. उपाध्यक्षपदाची जबाबदारी प्रामाणिकपणे पार पाडत बँकेची प्रगती, ठेवीदार व सभासदांचे हित तसेच संस्थेची उज्ज्वल परंपरा जपण्यासाठी सर्वांच्या सहकार्याने कार्य करण्याचा निर्धार त्यांनी व्यक्त केला. यावेळी संचालक सुभाष लोढा, अशोक खिवसरा, भास्कर कोळी, रवींद्र गुजराथी, गुणवंत टोंगळे, जितेंद्र कोठारी, शांतीलाल बिनायक्या, अजय राखेचा, श्रेयस कुमट, सागर पगारिया, कल्याणी नागुलकर, दीपिका चांदोरकर, रंजना देशमुख, आर. जे. पवार तसेच मुख्य कार्यकारी अधिकारी मनोहर पाटील आणि बँकेचे अधिकारी व कर्मचारी उपस्थित होते.