जळगाव ३१ जुलैपासून दुसरी बॅडमिंटन निवड चाचणी स्पर्धा सकाळ वृत्तसेवा जळगाव, ता. १६ : जिल्हा बॅडमिंटन असोसिएशन आणि जैन स्पोर्ट्स ॲकॅडमी यांच्या संयुक्त विद्यमाने जळगाव जिल्हास्तरीय बॅडमिंटन स्पर्धेसाठी दुसऱ्या निवड चाचणीचे आयोजन केले आहे. ही स्‍पर्धा ३१ जुलै ते २ ऑगस्ट यादरम्यान होईल. नवी पेठ येथील जे. जे. के. एस.च्या इनडोअर बॅडमिंटन हॉलमध्ये ही स्पर्धा होणार आहे. स्पर्धेत ९, ११, १३, १५, १७, १९ वर्षांखालील गटांसह खुला व ३५ वर्षांवरील वरिष्ठ गटांचा समावेश आहे. मुलं व मुली तसेच पुरुष व महिला या गटांमध्ये एकेरी, दुहेरी आणि मिश्र दुहेरी सामने खेळविण्यात येणार आहेत. स्पर्धेत सहभागी होणाऱ्या प्रत्येक खेळाडूस नोंदणी आवश्‍यक आहे. प्रवेश अर्ज सादर करण्याची अंतिम मुदत २६ जुलै सायंकाळी सहापर्यंत आहे. तरी स्पर्धेत जास्तीत जास्त खेळाडूंनी सहभाग घ्यावा, असे जळगाव जिल्हा बॅडमिंटन असोसिएशनचे अध्यक्ष अतुल जैन, सचिव विनीत जोशी यांनी केले आहे.