फोटो : H24143 -- क्रांतिकारकांच्या बलिदानाची कथा उलगडली नाट्य महोत्सवांतर्गत ‘वंदे मातरम’ नाट्यप्रयोग सकाळ वृत्तसेवा नाशिक, ता. १६ : तासभर सुरू असलेल्या प्रयाेगात भारताच्या स्वातंत्र्यासाठी प्राणार्पण करणाऱ्या क्रांतिकारकांच्या बलिदानाची कथा प्रेक्षकांसमोर उभी करत आजची युवा पिढी स्वातंत्र्याचा इतिहास, त्यामागील संघर्ष आणि शहिदांचे योगदान विसरत चालली आहे का? असा प्रश्न ‘वंदे मातरम’ नाटक उपस्थित करते. '' संगीत नाटक अकादमीतर्फे ‘वंदे मातरम राष्ट्रगीत सार्धशती’ आणि महाकवी कालिदास जयंतीनिमित्त राष्ट्रीय नाट्य महोत्सव २०२६ अंतर्गत बुधवारी (ता. १५) मराठी नाटकाचा प्रयोग स्पॉटलाईट थिएटर येथे सादर करण्यात आला. विजय नाट्य मंडळ संस्थेने सादर केलेल्या नाटकाचे दिग्दर्शन वरुण भोईर यांनी तर दिग्दर्शन वसंत पोद्दार यांनी केले होते. किरण भोईर (प्रकाशयोजना, नेपथ्य), नितीन पवार (संगीत), दत्ता जाधव (रंगभूषा), स्वप्निल जरीवाला (वेशभूषा) यांनी तांत्रिक बाजू सांभाळली. अमोल थोरात, भूषण गायकवाड, रोहन पाटील, आदित्य रिंडे, वरुण भोईर यांनी भूमिका साकारल्या होत्या. ------