विसर्जन मिरवणुकीला प्रारंभ करण्यासाठी वेळेत पोहोचावे म्हणून पालकमंत्री चंद्रकांत पाटील आणि त्यांच्यासमवेतचे कार्यकर्ते वनाज स्थानकावरून मेट्रोने महापालिका भवन येथे पोहोचले. त्यानंतर दुचाकीवरून दगडूशेठ हलवाई मंदिराजवळ पोहोचले. तेथून ते पायी टिळक पुतळ्याजवळ आले. मिरवणूक सुरू झाल्यावर विविध मंडळांच्या कार्यकर्त्यांच्या भेटी घेत डेक्कन जिमखाना मेट्रो स्थानकावर ते पायी गेले आणि तेथून परत मेट्रोने कोथरूडला रवाना झाले. त्यामुळे कॉन्व्हायशिवाय पालकमंत्री पाटील पुणेकरांना पाहायला मिळाले.