पुणे, ता. १३ : भारतीय मजदूर संघाचे संस्थापक श्रध्देय दत्तोपंत ठेंगडी यांचा स्मृतिदिनानिमित्त खडकी येथील आयुध कारखान्यातील महिला कर्मचाऱ्यांसाठी आरोग्य तपासणी शिबिराचे आयोजन करण्यात आले होते.

या प्रसंगी नग फाउंडेशनच्या डॉ. प्रेरणा कुलकर्णी यांनी महिलांच्या शारीरिक व मानसिक आरोग्याबाबत मार्गदर्शन केले. तसेच त्यांना नियमित आरोग्य तपासणीच्या महत्त्वाबाबत सांगितले. वूमन वेल्फेअरच्या अध्यक्ष मिलन हजारी, भारतीय मजदूर संघ महिला विभाग प्रमुख वंदना कामठे आदी उपस्थित होते. कार्यक्रमाचे नियोजन भारतीय संरक्षण कामगार संघांचे अध्यक्ष गणेश टिंगरे, सरचिटणीस संदीप वाळके, प्रमिला पठारे, शांता लांडगे, सीमा चौधरी, अश्विनी कांबळे, चैत्राली पवार यांनी केले आहे. वर्षा शेळकंदे यांनी सूत्रसंचालन केले.