पुणे, ता. १ : लोकमान्य स्मृती प्रतिष्ठानतर्फे लोकमान्य टिळक जयंतीनिमित्त शिववंदना मित्रपरिवाराचे संस्थापक प्राज भिलारे यांन युवा सन्मान पुरस्कार देण्यात आला. परसिस्टंट कंपनीचे संस्थापक डॉ. आनंद देशपांडे, अभिनेती मृणाल कुलकर्णी यांच्या हस्ते भरतनाट्य मंदिर येथे पुरस्कार प्रदान करण्यात आला. यावेळी भाजपचे प्रवक्ते कुणाल टिळक उपस्थित होते.
शिववंदना मित्रपरिवाराच्या माध्यमातून भिलारे यांनी मोफत ऍम्ब्युलन्स सेवा, रक्तदान शिबिरे, लहान मुलांसाठी किल्ले स्पर्धा, चित्रकला स्पर्धा आदी उपक्रम राबविले आहेत. तसेच धायरीमध्ये नियमित शिववंदना उपक्रम, तरुणांसाठी किल्ले दर्शन असे कार्यक्रम घेतले आहेत. कार्यक्रमाचे संयोजन आशिष जोशी यांनी केले होते.