पुणे, ता. २७ : शहरासह उपनगरांच्या काही भागांत दुपारी हलक्या स्वरूपाचा पाऊस पडला. गणेशोत्सवाच्या खरेदीसाठी बाहेर पडलेल्या पुणेकरांची या पावसाने तारांबळ उडवली. बुधवारी दिवसभर ऊन, ढगाळ वातावरण असा खेळ सुरू होता. दुपारनंतर हलक्या सरी पडल्या. शिवाजीनगर, पाषाण, चिंचवड भागांत ०.५ मिलिमीटर पावसाची नोंद झाली. दरम्यान गुरुवारी आकाश सामान्यतः ढगाळ राहण्याची शक्यता असून हलक्या स्वरूपाचा पाऊस पडण्याचा अंदाज हवामान विभागाने वर्तविला आहे. शुक्रवारी हवामान विभागाकडून घाटमाथ्यावर काही ठिकाणी जोरदार पाऊस पडण्याची शक्यता वर्तविण्यात आली आहे.